Աղբիւր՝ www.yerkir.am

Հ.Յ.Դ.-ի Հայաստանի Գերագոյն մարմինը Հ.Յ.Դ.-ի ներքաղաքական օրակարգը, միջազգային զարգացումների առնչութեամբ Հ.Յ.Դ.-ի տեսակէտները ներկայացնելու նպատակով նախաձեռնել է հանդիպումների շարք Հայաստանում հաւատարմագրուած դիւանագիտական ներկայացուցչութիւնների եւ միջազգային կազմակերպութիւնների հետ:

Հ.Յ.Դ.-ի Բիւրոյի քաղաքական ներկայացուցիչ Արմէն Ռուստամեանը, Հ.Յ.Դ.-ի Հայաստանի Գերագոյն մարմնի ներկայացուցիչ Աղուան Վարդանեանը եւ Գ.Մ.ի անդամներ Լիլիթ Գալստեանն ու Պետրոս Մեղրեանը հանդիպեցին Հ.Հ.-ում Իրանի Իսլամական Հանրապետութեան արտակարգ եւ լիազօր դեսպան Մոհամմադ Ռէիսիի հետ:

Հ.Յ.Դ.-ի Բիւրոյի քաղաքական ներկայացուցիչ Ա. Ռուստամեանը կարեւորուեց Իրանի Իսլամական Հանրապետութեան էական դերակատարութիւնը տարածաշրջանում` անվտանգութեան համակարգի ամրապնդման ուղղութեամբ, ընդգծեց երկու բարեկամ երկրների միջեւ քաղաքական, տնտեսական, մշակութային համագործակցութեան դաշտերի ընդլայնման կարեւորութիւնը: Հ.Յ.Դ.-ի պատուիրակները ներկայացրեցին սահմանադրական բարեփոխումներին միտուած` Դաշնակցութեան մօտեցումներն ու դիրքորոշումները, ներքաղաքական իրավիճակի գնահատականները:

Պարոն Մոհամմադ Ռէիսիին, հաստատելով երկու երկրների կայուն բարեկամական յարաբերութիւնների իրողութիւնը, շեշտեց տնտեսական համագործակցութեան առկայ ծրագրերի իրագործման կարեւորութիւնը՝ դրանք դիտելով իբրեւ շահեկան երկու երկրների համար, ինչպէս նաեւ տարածաշրջանային կայունութեան ապահովման առումով:

Հ.Յ.Դ.-ի Գ.Մ.-ի մամլոյ դիւան

12.02.15